ವಿಶೇಷ ಬರಹಗಾರ

ವಿಶೇಷ  ಬರಹಗಾರ

********************

ತಾನಲ್ಲಿ ಬರೆಯುವ ಮೊದಲೇ ತಿಳಿದಿರಬೇಕು

ತಾನೇನು ವಿಷಯಗಳ ಅರಿತು ಬರೆಯಬೇಕು

ತನಗೋಸ್ಕರ ಬರೆಯುವ ಸ್ವಾರ್ಥವಿನ್ನು ಸಾಕು

ತನ್ನವರಿಗಾಗಿ ತಾ ಬರೆಯುವುದ ಕಲಿಯಬೇಕು

ತಾನೇನೆಂದು ತಿಳಿದು ಬರೆಯುವ ತಾಳ್ಮೆ ಬೇಕು

ತಾಳಿದವನು ಬಾಳಿಯಾನು ಎಂದು ತಿಳಿದಿರಬೇಕು

ತಳಕು ಬಳಕು ಸುಳ್ಳು ಸೇರಿಸುವುದ ಕೈ ಬಿಡಬೇಕು

ತಪ್ಪಿದರೆ ತಿದ್ದಿ ಬರೆಯುವ ಬುದ್ದಿಯ ಹೊಂದಿರಬೇಕು

ತಾತ್ಕಾಲಿಕ ಸತ್ಯವಾದರೂ ಹತ್ತಿರ ಸೆಳೆಯಬೇಕು

ತಾಯ್ನುಡಿಯ ತಾನೆಂದೆಂದೂ ಉಳಿಸಿ ಬೆಳೆಸಬೇಕು

ತಕ್ಷಣಕ್ಕೆ ತಿಳಿದದ್ದನ್ನು ಬರೆದರೂ ಅರ್ಥವಿರಬೇಕು

ತನ್ನಲ್ಲಿ ವಿಶೇಷ ಬರಹಗಾರ ಆಗುವ ಲಕ್ಷಣವಿರಬೇಕು

|| ಪ್ರಶಾಂತ್ ಖಟಾವಕರ್ ||